|
join and know who is Prince Omar Tousson
http://www.facebook.com/pa |
|
Prince Omar Tousson
خاطرة
مهما زادت ثقافتي ومهما زاد حبي للاطلاع ومهما زاد وقت فراغي ومهما تفتحت شهيتي لتقبل الغث و السمين اتمنى ان لا اصل لليوم الذي اضطر فيه لقراءة مقال موقع بأسم د.جابر عصفور
إدارة القمر الصناعي المصري نايل سات توقف بث قناة مقرها لندن
ا (رويترز) - قالت قناة الحوار الفضائية ومقرها لندن يوم الخميس ان الشركة المديرة للقمر الصناعي المصري (نايل سات) المملوكة جزئيا للحكومة أوقفت بث القناة التي توجه انتقادات للسياسات المصرية.
وأدانت جماعات حقوق انسان ومنظمات اعلامية هذه الخطوة وقالت انها يمكن ان تكون اشارة لحملة على الحرية الاعلامية.
ويأتي وقف بث القناة بعد اقل من شهرين من تبني حكومات عربية على رأسها مصر والسعودية لوثيقة اعلامية تعزز قبضة الدولة على البث في المنطقة.
وقال عزام التميمي رئيس التحرير بالقناة الفضائية لرويترز إنهم اكتشفوا فجأة ليل أول ابريل نيسان أن ادارة القمر الصناعي أوقفت بث القناة. وأضاف أن نايل سات رفضت تقديم أي تفسير.
وذكر التميمي أن القناة تبث برنامجا أسبوعيا عن مصر انتقد موقفها بشأن قضايا من بينها الحصار الاسرائيلي لقطاع غزة ومعاملة الحكومة للمحتجزين.
واضاف أن الحوار تنتقد بشكل مستمر مصر والحكومات العربية الاخرى بسبب ما وصفه بفشل سياساتها. وتابع أن مصر بها عدد كبير جدا من المشكلات التي لا يمكن التحدث عنها من دون انتقاد الحكومة.
وقال ان القناة المملوكة لجهات مستقلة كسبت شعبية في مصر والسعودية منذ تأسست عام 2006.
ولم يتسن الحصول على تعليق فوري من مسؤولي نايل سات أو الحكومة المصرية.
وتحظر الوثيقة العربية بث مواد ينظر اليها على أنها تقوض السلام الاجتماعي أو الوحدة الوطنية أو النظام العام أو الاداب العامة أو انتقاد الاديان أو تشويه صورة زعماء سياسيين أو وطنيين أو دينيين
ما الذي يمكن ان يشتريه مبلغ 37 مليار دولار الذي خسره يو.بي.اس(رويترز). 0
رويترز - مبلغ 37 مليار دولار وهو حجم الاصول التي شطبها بنك يو.بي.اس ليس فقط اكبر من الناتج المحلي الاجمالي لاغلب دول افريقيا بل يمكنه كذلك شراء آربعة آلاف طن من أفخر انواع الكفيار في العالم وتنظيم دورتين للالعاب الاولمبية.
وهذا الشطب يجعل البنك هو الاكثر تضررا من ازمة الائتمان الراهنة من المرجح ان تكون الحكومات ووكالات الاغاثة وربما العاملون في هوليوود كذلك يتكهنون الآن بما كان يمكن ان يشتريه هذا المبلغ.
ومبلغ 37 مليار دولار أكبر من الناتج المحلي الاجمالي لعدد 85 دولة افريقية ويعادل تقريبا الناتج المحلي الاجمالي لسلوفينيا والسودان حسب بيانات البنك الدولي.
ولكن لا يمكنه تمويل الحملة العسكرية الامريكية في العراق لاكثر من 74 يوما استنادا الى تقديرات جوزيف ستيجليتس الاقتصادي الحائز على جائزة نوبل القائل بان الحرب تكلف الولايات المتحدة 500 مليون دولار يوميا.
ويبدو مبلغ عشرة مليارات دولار الذي تعهدت به منظمة صندوق جنيف لمكافحة الايدز والسل والملاريا ضئيلا بجوار المبلغ الذي شطبه البنك السويسري والذي يمكنه تمويل برامج منظمة اوكسفام الخيرية لمدة 87 عاما استنادا الى احدث تقديراتها.
وفي سويسرا موطن البنك يمكن لهذا المبلغ ان يشتري 95 من ساعات الحائط من ماركة لويتشر كوكو ونحو ستة ملايين ساعة روليكس واكثر من مليوني طن من شيكولاتة توبلرون.
ويمكن لهذا المبلغ كذلك تمويل اقامة دورة الالعاب الاولمبية في لندن عام 2012 مرتين.
وفيما يتعلق بالسبب الرئيسي لمشكلة يو.بي.اس وهي ازمة الرهون العقارية الامريكية كان يمكن للبنك ان يشتري بهذا المبلغ 139622 منزلا في الولايات المتحدة بحساب متوسط سعر المنزل 265 الف دولار.
مدونة لعشاق الكتب
لعشاق الكتب تفضلوا بزيارة مدونة حارة الكتب وساهم في الكتابه والنقاش وابحث عن الكتب ..
الازمة السودانية والدور الاسرائيلي
مشكلة درفور واحدة من اكبر المشاكل المطروحة على الساحة الدولية في الوقت الراهن في البداية عندما سمعت عن الازمة وحاولت فهمها كا هناك دائما طرف خفي في الحكاية فهي اذا سلمنا انها ازمة غير مصطنعة ازمة قبلية بين مجموعة من الاعراق التى اعتادت على هذا النوع من الصراعات في مثل هذه المناطق وتوجد مئات الصراعات المشابهة في افريقيا بل والاكثر دموية كما حدث في رواندا مثلا وعندما اطل علينا الطفل السوداني المدلل من الحكومات الاوربية وهو رأس الفتنة في الاصل واعلن تشكيل مكتب لتمثيل حركته المزعومة في اسرائيل بدأت الرؤيا في الوضوح لدي ولدى الكثير من المراقبين فكما يدعي عبد الواحد اسرائيل استقبلت الكثير من اللاجئين الفارين من دارفور طبعا اسرائيل لن تضيع فرصة وجود فرع افريقي لها في السودان بل ومن الواضح التأثير اليهودي في اضفاء الصبغة الدولية على الازمة ومحاولة ادخال قوات اجنبية الى السودان ولم لا اعلان دارفور منطقة حكم ذاتي واعطائها نفس الحقوق التي اهديت للجنوب وتستمر القصة في التكرار اي حد عايز ينفصل يتصل على اقرب سفارة اسرائيلية اللي انا مش فاهمه هو صغر حجم الدور المصري وهي الجار المباشر للسودان فمصر دورها في افريقيا عموما لا يمثل الثقل السياسي المصري في القارة على عكس الدور الليبي مثلا فهى ضالعة في مختلف القضايا الافريقية والرئيس الليبي يستقبل استقبال الفاتحين عند زيارة الكثير من هذه الدول ,وحقيقة فانا ارى ان الدور المصري بصفة عامة اصبح محدودا في السياسة الدولية وبالطبع فقواعد اللعبة الدولية تغيرت عن ايام عبد الناصر مثلا وظهرت قوى جديدة في المنطقة سحبت هذا الدور تدريجيا من مصر مع تعمقنا في التقوقع في السياسة الدخلية على طريقة قناة (او تي في )التي تذيع الاخبار باللهجة المصرية وبالطبع نحن لاننكر الدور المصري في غزة بالرغم من الجهل الواضح من قبل الطرف المصري بحقيقة الوضع في غزة او محاولة ادعاء الجهل لتفادي وجود جسم شبه اخواني على الحدود ولا ننكر ايضا ارسال فرقة من قوات حفظ السلام التابعة للامم المتحدة وان كانت تنفذ الاجندة الاوربية وليست العربية التى كان ينتظرها السودان من الشقيقة الكبرى.0
هيلارى كلينتون لا تعرف الرئيس الروسي
http://www.youtube.com/watch?v=5YR361GePNI
اثارالفيديو الذي يعرض المناظرة بين هيلاري كلينتو وباراك اوباما مرشحي الحزب الديموقراطي الكثير من السخرية حيث تحدثت عن العلاقات مع الرئيس الروسي القادم متجنبة ذكر اسمه وعندما سالها المحاور عن اسمه تلعثمت كثيرا في نطق اسمه و التغطية بقولها" وات ايفر"ا وفي الجانب الاخر تحدث اوباما عن الرئيس الكندي مع العلم انه لايوجد رئيس في كندا بل رئيس وزراء الامر الثي اثار موجة من الضحك لدى محللي سي ان ان التي تغطي المناظرة الامر ليس غريبا فنحن نتذكر عندما سئل جورج دبليو بوش عن اسم رئيس باكستان فاكتفى بابتسامة عريضة 0ياريت كان عندنا في مصر مناظرات زي دي مكناش هنبطل ضحك0
انقاذ كــلـــــــــب عراقي
وانا اتابع عدد من المدونات لفت نظرى تدوينة للمدون العراقي رائد جراربعنوان "رسالة مفتوحة الى الواشنطن بوست" وينتقد المدون بشدة العمل "الانساني" الكبير الذي نشرته الواشنطن بوست تحت عنوان" توفير منزل لكلب عراقي " المدون تهكم بشدة على الخبر حيث قتل ما يزيد عن مليون عراقي في الخمس سنوات الاخيرة ويقام الاحتفال بانقاذ كلب (اعزكم الله)0
الكاتب لم يكتفى بالسخرية بل وطالب على الطريقة الامريكية من كل الزوار ارسال (الجملة الاشهر في امريكا) الى المجلة0
فوقوا بقى..كيلو اللحمة ب30جنيه
شعرت بالعار وانا اقرأ تعليقات زوار واحد من اكبر المواقع الاخبارية العربية على خبر اضراب العمال في المحلة فمنهم من يتاسف على حال مصر ومنهم من يدعو لنا ومنهم من يقرا ويروح.0
المهم ان الموضوع فعلا يشعر بالغباء والبلاهة التي يتعامل فيها المسؤولين مع المنشات والمصانع فهي تدل على عدم وجود أي خبرات ادارية او تسويقية او بالاحرى عدم وجود نية لذلك بسبب وجود عصابات داخل الشركات الحكومية تضم اغلب المسؤولين والكل بيسترزق من ورا الموضوع .0
الغريب في الموضوع ان جميع هذه الشركات والمؤسسات تبدا في جني الارباح بعد تخصيصها فهي قد خرجت من دائرة المال السايب اللي بيعلم السرقة.0
طب لحد امته يا جماعه ..انا عارف ان النظام الاشتراكي المتخلف هو السبب في اغلب هذه المشاكل لكن القطاع الخاص ايضا لن يوظف الا العمال الضروريين ويتم تسريح الكثير من اللي كانو (بيسترزقو)من ورا المصالح دي….0
وكمان برضه مش من البلاهة انه يكون كيلو اللحمة ب30جنيه وفي ناس لسه بتاخد 150 جنيه ليييييه…………0
يا جماعه فوقو بقى وبطلو استهبال رحيتكو فاحت وفضحتونا بقى وياريت تحلو جميع المشاكل المشابهة مش لازم كل شركة تعمل اعتصام على حده عشان تشوفو عايزين ايه…………0
. التربية العسكريه ليه؟؟؟
وانا بقوم بسحب ملفي من الكلية اكتشفت اني معملتش التربية العسكرية ومش هتخرج غير ما اعملها طب ليه ده انا ورايا مصالح بعملها ومحتاج الشهادة. المهم رحت التربية العسكرية ولقيت مجموعة من العساكر اللي اغلبهم منفسنين من خريجي الجامعات بيرجعوني لايام زمان صف انتباه حد اتنين ولو قلت ليه يبقى نهارك زي العسل المهم اني اكتشفت ان اغلب زملائي معملوش التربية العسكرية المزعومه مفيش تربية عسكرية للانتساب ولا طلبة الجامعات الخاصة ولا معارف العقيد وفي موظف في شؤون الطلبة كان بيضرب الشهادة وبياخد (حسنه)وووو0.
المهم ان الموضوع كله ملوش اي لازمه يعني اسبوعين من عمرك بيضيعو وعلى فكره كل طالب بياخد بنطلون وقميص وكاب والله انا زعلت على الفلوس اللي بتضيع دي بدون اي استفاده المهم اهي حاجه من حاجات كتير عايزه تتغير وربنا يخليلنا النظام0 .
من قال ان الالمان متسامحين
صورة لاحد المظاهرات في مقاطعة كولونيا بالمانيا ضد بناء مسجد بالمقاطعة وواضح جدا صورة المسجد والصلبان المرفوعة يا جماعة مهما كان الثقافة او العرق او المكان الكفر ملة واحدة0
حقوق المراة اكتملت
الكثير من الضجة تثار حاليا حول الكثير من المواضيع الخاصة بحقوق المرأة ومنها حق تولية المرأة القضاء
انا لا احب اعادة الكلام في الموضوع او الخلاف او الادلة ولكن لدي سؤال ما الذي سيتغير اذا اصبحت المراة قاضية هل ستزداد العدالة في مصر هل سيكون القضاء نزيها هل سنمشي كالملائكة على الارض في المدينة الفاضلة لن يحدث أي من ذلك فلماذا كل هذه الضجة وتضييع الوقت والحبر والاوراق وساعات البث و و و. 0
ولماذا تطالب النساء بحقوق هم لم يسعوا اصلا لاكتسابها وانما سيقوا اليها سوقا من من ينعقون بحقوق المراة .0
ولماذا يطالبون بثلث المقاعد في البرلمان, لماذا يتم تعيين النساء في مجلس الشعب والشورى , لو علم الجمهور ان في هذه او تلك مصلحة له في تمثيله فلن يتردد في اختيارها اذن فاين الحرية في فرض النواب وهذا يعتبر تمييز بسبب الجنس وهو ما يمنعه الدستور اذ ان المرأة بذلك تحصل على المقاعد ليس بسابق جهد ولا عمل ولكن بقرار تعيين سخيف.0
في النهاية القضاء مش ناقص تردي ومش ناقص عيوب ومش ناقص ناقصات العقل لوجود الكثير منهم بالفعل.0
انا لا ادون من اجل حقوق الانسان
انا كل ما ادخل مكان الاقي واحد حاطط بانر انا ادون من اجل حقوق الانسان
قلت جميل تتبعت البانر وهو عبارة عن حملة لما تدعي انها منظمة "هيومن رايتس ووتش"التي نصبت نفسها للدفاع عن حقوق الانسان المزعومه
ولكن ماهي حقوق الانسان الشذوذ و سب الدين والكفر والزنا و و و
انا قررت ابقى انسان متخلف
مش عايز حقوق انسان
مش عايز شذوذ
مش عايز سب دين
مش عايز كفر
مش عايز عدم تجريم الزنا
انا متخلف انا رجعي انا راديكالي انا انا انا انا
انا لا ادعم حقوق الانسان
انا لا ادعم الشذوذ
انا لا ادعم كريم
انا لا ادعم منال ولا علاء
انا لا ادعم كفاية
و ياريت كلكم تكونوا بنفس شجاعة بطلكم الملحد كريم وتخرجوا ما في بطونكم
عشان الناس تعرفكم ومحدش "يزني باخته زي البرنس مابيقول"0
ارحمونا بقى ولا هي الحرية بتاعتكم دي بالعافيه
الجامعة العربية ورصاصة الرحمة
كثيرا ما اسمع بعض الاشخاص يسأل عن دور الجامعة العربية في كل مرة يحدث عدوان او كارثة في احد الدول المنتسبة الى هذه الجامعة .وكأن هذا الكيان له أي دور فعلى على الساحة العربية او الدولية.0
لكن للاسف فالجامعة عامله زي اتحاد الطلبة في الجامعات المصرية لا تراهم الا ساعة الانتخابات و في حفلة نهاية العام الدراسي ومما دعا الكثير من المتابعين بتشبيهها بالرجل المريض وهو اللقب التى كانت تسمى به الدولة العثمانية في نهاية عهدها.0
ولكن بصراحة لو نظرنا الى الموضوع بموضوعية متى كانت هناك ما يسمى بالوحدة العربية ,شخصيا لا اعتقد ان العرب اجتمعوا علىقياده مركزية او حكم واحد تحت اصرة العروبة في أي وقت فالعرب قبل الاسلام كانوا قبائل مختلفة متنازعة بينهم حروب طويلة ولا يحكمهم قانون واحد او عرف واحد بل وكان بعضهم خاضع للروم او للفرس كالمناذرة والغساسنة.والاسلام الغى الصبغة العنصرية فلا تكون الدولة الاسلامية عربية باي شكل فاكثر الفاتحين والعلماء المسلمين ينحدرون من اصول غير عربية,اذن فاصرة العروبة لم تكن موجودة وان كانت فلم تكن بالقوة الكافية لاقامة حكومة موحدة او حكم مركزي موحد.0اذن الموضوع كله كان عبارة عن اضغاث احلام راودت بعض المثقفين في فترة كانت تتميز بنشأة الاحلاف الدولية وهي فترة ما بعد الحربين العالميتين والفكرة صاح بها الكثير من ارباب الشعارات والهتافات وهم متوفرين بكثرة في هذه المنطقة من العالم بدو أي نظرة تاريخية او مستقبلية , ومنذ ظهور الكيان المزعوم لم يكن له اثر او ملامح واضحة في تاريخ المنطقة.0 بل وحتى الدولة الام مصر كانت من اوئل المتمردين عن الكيان الهش عندما قام السادات بزيارة الكيان الصهيوني وتصبح المصلحةالفردية هي الاولويه وهو ما كا وما ظل الخط الواضح لاغلب الدول الاعضاء والكل يقول انا "دفعت جميع مستحقاتي" بل وحتى الاتحاد العربي لكرة القدم ولعله اشهر المجالس المنبثقة عن الجامعة غير معترف به عالميا من قبل الاتحاد الدولي للعبة.0 فحتى متى سنظل نحاول النفخ في "اربه مقطوعه" واظن ان الوقت قد حان للتفكير جديا في اطلاق رصاصة الرحمة على هذا الرجل الذي اثقله المرض.0
منال وعلاء والحرية بسب الدين
وكانت من اول المدونات اللي سمعت عنها مدونة منال وعلاء ومدونة مالكوم اكس وغيرهم بسبب الوش الاعلامي اللهما عاملينه . المهم بدأت في انشاء مدونة بسيطة جدا وبدأت اتبع المدونات الاخرى ولكن مدونة منال وعلاء لفتت نظري جدا انه الى جانب الكم الكبير من التحليلات السياسية للموقف المعارض من الحكومة والطوارئ وغيرها الا ان هناك سيل عارم من سب الدين والتهكم على الشريعة الاسلامية وعلى المفتى وهو خط واضح جدا في الكثير من هذه المدونات.0
ده طبعا الى جانب كميه فظيعه من الكلمات البذيئة التي تستخدم والتي اخجل من ذكرها او اعادتها0. طب الجماعة البرنسات دول المعارضين الابطال لو لا قدر الله كانو هما اللي ماسكين الليلة في البلد كان ايه اللي حصل!!!!!!!!!!!!!!!!!!!!!!!!!!0
اكيد كانت بقت خرااابه..المهم اللي عايزين نقوله انه فيه فرق كبير بين الحرية والديموقراطية والتعبير عن الرأي وبين سب الدين والاباحة ولا مؤاخذة .0وان كانت الحرية المزعومة اللي بيروجو ليها زى ماهو باين من طريقتهم دي يبقى ربنا الغني عن دي حرية.0
وال على رأي المثل" ما العن من ستي الاسيدي".
هل اتا ك حديث الرافضة
عندما قرأت احد البانرات الدعائية تحت هذا العنوان سال لعابي الى قرأة المضمون فنقرت بسرعة لمعرفة الموضوع
خاصة انا الجماعة دول سيرتهم بقت على كل لسان وريحتهم فاحت المهم والاكثر اثارة للدهشة اني وجدتى نفسي اما كتاب من حوالي اربعين عنوان
والكاتب اسمه ابو مصعب الزرقاوي وبالطبع لم اتمالك نفسي وقرأت الكتاب في حوالي الساعة وهو يسرد تاريخ وعقائد ومواقف ولكن يبقى الكاتب
هو مثار الجدل وهو ما سيمنع الكثير عن قرأة الكتاب والاكتفاء بالقول اننا جميعا مسلمين والاختلافات بيننا في الفروع.
وهو كلام اثبتت الايام والاحداث جهل مروجيه وقلة خبرتهم وعدم معرفتهم بالطرف الذي يدافعون عنه.
ويبقى الاكثر اثارة كما ذكرت اسم الكاتب وتصميم البانر الاحترافي ويبقى الجدل والاختلاف موجودا حول مادة الكتاب
اعدام وطن
عن جريدة الوطن
عفوا ممنوع الاعتكاف
من حوالي عشر سنين كده وانا نفسي اوي اعتكف في رمضان
وكل سنه تيجي الامتحانات او تحصل ظروف او شوشو يكسلني
المهم النهارده كان في صديقين ليه بيتكلمو بالصدفه انهم راجعين من الكليه على المسجد
سالتهم ليه خير؟ قالو اصل احنا معتكفين ماتيجي معانا
قولتلهم بسرعه اصل ال… انا …ماهو
المهم من هنا من هناك روحت جبت الشنطه بتاعتي وطلعنا على المسجد وانا عمال افكر يا ترى الفطار
النهارده ايه وهنام فين وكده يعني
المهم وصلنا على بعد العصر انا وواحد معايا ودخلنا المكان المخصص للمعتكفين
واذا بالانظار ترمقنا من كل مكان بصيت لصاحبي وعملت عبيط وخدت ركن ونمت
المهم الغرب اذن وفطرنا وكده واحنا قاعدين جالنا راجل شكله محترم كده وقال:
انتو بتعملو ايه هنا بصينا لبعض وقلنا معتكفين
قال بس الاعتكاف هنا للناس المعروفين بس
زميلي قال يعني ايه المعروفين
الراجل قاله يعني الناس اللي بيصلو هنا طول السنه
وانتو مينفعش تعتكفو لاسباب امنيه
المهم انا طبعا لميت هدومي ومشيت من المسجد وقعدت افكر كتير هو ليه حد يطرد حد من المسجد
ويعني ايه اسباب امنيه يعني انا هبيع متفجرات للناس
المهم وعدت سنه اخرى وبرده معتكفتش بس ربنا يعلم اني كنت ناوي
وقعدت وانا مروح افتكر الايه الكريمه ((ومن اظلم من من منع مساجد الله ان يذكر فيها اسمه وسعى في خرابها))..0
وبعد الموضوع ده اكتشفت ان فيه حاجه اسمها وزارة اوقاف
الوزاره دى لا عمري سمعت انها اعترضت على واحد بيرقص ولا وحده رقاصه ولا سب الله ورسوله
ولا عمرى شفت الوزير بتاعها الا كل اعلان تغيير وزاري
وال ايه الوزاره بقى ليها هيبه وسلطه بس في منع الاعتكاف هييييييه ما علينا
هيك الحكي اما بلا
صورة للرئيس الثائر تشافيز
العم هوجو يمسك كتاب نعوم شومسكي"السيطرة والبقاء..سعي امريكا للسيطرة على العالم"0
الرئيس الفنزويلي قال في خطابه امام الجمعية العامة للامم المتحدة"الشيطان نفسه كان هنا بالامس"0
وقال ايضا "لا زلت اشم رائحة البارود من على الطاولة التى وقف عليها الشيطان" مشيرا الى
خطاب الرئيس الامريكي امام الجمعية في اليوم السابق….0
المهم خلينا احنا في خطابات مؤتمر الحزب الوطني الثورية……………..0
اللي يلعب الدح ميقولش اح
صورة لرويترز لجندي اسرائيلي يبكي امام سيارة لنقل المصابين من الجيش في لبنان.
ضع تعليقك على الصورة
يعني ايه “لأ” يا برعي
"يعني ايه "لأ من مذكرات ريس عربي مناضل الريس اياه ايام مكان لسه في الجيش في يوم كان قاعد هوه واصحابه في الكتيبه بيلعبو كوتشينه اوم ايه القعده احلوت وقعدو يدردشو وهما بيسمعوا الراديو المهم بما ان الكلام ده من اربعين خمسين سنه فكل شويه يسمعوا عن ظابط زمل في جزيرة لواك واك او فى وادي الحناكيش عمله ثوره ومسك البلد المهم كلهم بصو لبعض وقال واحد فيهم طب ما يلا نعمل ثوره بدل ما احنا قاعدين لا شغله ولا مشغله المهم القعده مخلصتش الا وهما محددين مجلس قيادة الثورة على اساس الترتيب في البوله الاخيرة من اللعب. المهم الجماعة مكدبوش خبر وطلعو العساكر من الصبح بدري على القصر وعلى الراديو مهو مكنش لسه في تلفزيون واعلنوا بيان الثوره اللي كتبوه امبارح وحتى نسو يكتبو سبب الثوره ايه. المهم الموضوع عدى على خير وبعد شهرين تلاته طلع جماعه من الظباط قالو لسيادته ال ايه لازم تعين وزاره قال بغضب ليه وانا مش مالي عينكم ولا ايه..قالو استغفر الله سعتك بس هي الليله مشيه كده. المهم افتكر انه كان في واد عسكري اسمو برعي كان كل يومين يسجنوا عشان بيقرا جرايد في النبطشيه بعت الريس جاب الواد برعي من السجن الحربي وبقى برعي بيه رئيس الوزاره. المهم يومين كده وبرعي جه على ملا وشه للريس وقاله الحق يا ريس العيال بتوع الجامعه عاملين مظاهرة… مظاهرة!!!!يعني ايه مظاهرة يا واد يا برعي … دول شوية عيال بيمشوا في صف زي الجنازه ويرفعوا يفط ويفضلو ينبحو في صوتهم.. وكاتبين ايه في اليفط دي يا واد يا برعي كاتبيــن "لأ"يا افندم لأ!!!!! يعني ايه لأ؟ بصراحة مش عارف يافندم بس لو كانت شتيمه كنا عرفناها. الريس قعد يهرش في راسه ببلاهه وقال تفتكر مين اللى بيفهم في المعاني بتاع الكلام يا برعي قال اكيد دكاترة اللغة العربية والصحفيين والمثقفين قال الريس بحماس طب اجمعهوملي بسرعة عايزهم يكونو عندي اخر النهار قال برعي مهم موجودين في السجن يا ريس قاله اليس باستغراب "بيعملوا ايه في السجن يا برعي" جاوب برعي :انا قولت اسجنهم لحسن سيادتك تحتجهم في حاجه كده ولا كده محدش عارف الظروف المهم قعد الريس يسأل الجماعة عن معنى الكلمة اللعينة اللي اول مره بيسمعها مع اني خدمت في الجيش بتاع عشرين سنه عمري ما سمعت الكلمة دي الكل بيقول تمام يافندم واللي ما يعجبنيش بياخد تكدير وبيتسجن. المهم من هنا من هناك قعد الجماعه يحاولو يعرفو سيادته معنى كلمة لأ معرفوش بس في النهاية ولانه ذكي ولماح عرف ان هي حاجه مش حلوه. المهم الريس قال لبرعي هو مفيش هنا سجن عسكري برعي قالوا لا يافندم كان زمنا مرتاحين دلوقتي الريس قال اومال بتكدرو الناس ازاي؟ جاوب برعي ده لازم تتعمل محاكمه ويكون في شهود وقضاه ودفاع وموال سال الريس بعفوية والمحكمه دي والقضاه دول انا طبعاً رئيسهم زي عندنا في المحاكم العسكرية؟ يعني الجماعه دول تبعنا ولا ايه يا برعي تردد برعي وقال اغلبهم ياريس تحت امر سيادتك بس في منهم جماعه بيقولوا بيقولوا بيقولو ايه يا برعي؟؟ بيقولو لأ يا ريس………………………………………….وللمذكرات بقية
وما اريكم الا ما أرى
يمكن اللى يفكر في اللى بيحصل في البلد ويرجع بتاع تلت اربع الاف سنه لوره هيلاقي تشابه كتير موجود.و اللي يقراء القران الكريم سيجد ان قصة موسى وفرعون تتكرر في اكثر من موضع بل هي القصة الاكثر تكرارا في القران الكريم.المهم(( فرعــون)) موجود بنفس طريقته القديمه وبنفس افكاره وبنفس منهجه"وما اريكم الا ما أرى"هوالمنهج اللي بيستخدمو كل الطغاة والدكتاتوريات في التاريخ و((هـــــامان)) وزير فرعون برضه موجود ، موجود في كل واحد من اصحابنا الل انتو عارفينهم موجود في كل منافق عايز يتسلق على حساب كرامته وكرامة بلده. و(( جنودهما)) فدول بقى كتير اوى ونلاقيهم في كل مظاهرة ماشيين وسط الطلبة وفي المواصلات وفي الانتخابات ولهم اماكن اخرى ولهم برضو نفس المنهج بتاع اجدادهم "انا عبد المامور"يعني دول بيعبدو المامور والتانيين كانو بيعبدو فرعون ذات نفسه. وحــــألة الطوارئ كمان كانت موجوده والمعتقلات والتعذيب"لاقطعن ايديكم وارجلكم من خلاف ولاصلبنكم" و. على فكره منظمة"هيومن رايتس ووتش"قالت في تقرير لها عن التعذيب في مصر ان التعذيب اجراء روتيني في اقسام الشرطه في مصر. يعني الموضوع متكرر والكراسي بتتغير ومن عهد الاسرة الاولى مروراًباسرة محمد علي انتهاء باسرة سي النبي حارسه وصاينه .يعنى من الاخر كتر خيرنا اننا لسه عايشين.
ياريتنا كنا حيوانات
: صورة لشخص يحتج على قتل الحيوانات فى فعالية اقامتها جمعية 
PETA (People for the Ethical Treatment of Animals),
المهم انا لما شوفت الصورة وافتكرت الشباب والاطفال اللي بيموتو في بغداد والضفة وغزة والضاحية الجنوبية وقانا وووو
* قلت ياريتنا كنا ولا مؤخذه حيوانات
مصدر الصورة:روييترز
بكيني متشدد
صورة لعارضة ازياء ترتدي ثوب للبحر اوردتها رويترز وعلق عليها المحرر بقوله ثوب سباحة اسلامي متشدد
وهو تصميم مصمم تركي ويرجع المحرر ذلك الى ما سماه ازدياد( التشدد الديني) في تركيا
هل يكون المستقبل اشد سوادا
بعد الغدا مددت شويه عالكنبه اتفرج عالجزيره واستنى اي خبر يظبط دماغي عالمسىالمهم اظاهر اني غفلت حبتين وال ايه ال العيال اليساريين بتوع المظاهرات مسكو البلد!!!!
ودخلو التلفزيون( والقنوات الفضائيه )واعلنوا بيان الثوره وقالو انهم اعلنوا حالة الطوارىء …..
اعدت اضحك وانا نايم لما كنت حموت من الضحك ال يعلنو حالة الطوارئ ال مهى معلنه جاهزه وال ايه جابو عمهم نجم ولابس طاقية جيفارا وحاطط النجمه وشايلينو في ميدان التحرير اللي بقى اسمو ميدان عم نجم….
المهم انا قلت الواحد يجهز شنطته كالعاده عالشان الظروف الجديده مهو كده كده في معتقلات يعني فيه اعداء للثوره يعني فيه مصلحة النظام وفيه ارهابيين واصوليين والناس دي مش لازم تظهر اليومين دول لحد الامن ما يستتب.
خصوصا اني كنت سامع عم نجم من كام يوم بيقول على الجزيره انو مش بيهتم بالشعائر الصغيره زي الصلاة والصوم,والحاجات دي يعني الراجل ناويها………
ولسه الباب بيخبط قلت لنفسى اهم الثورجيه جم الحق نط من لشباك يا واد لقيت الوليه بتقول اصحه ياراجل الشاي برد……
خدت نفس عميق وقلت خير اللهم اجعله خير.
Get free blog up and running in minutes with Blogsome
Theme designed by Viewfinder Design
