وكانت من اول المدونات اللي سمعت عنها مدونة منال وعلاء ومدونة مالكوم اكس وغيرهم بسبب الوش الاعلامي اللهما عاملينه . المهم بدأت في انشاء مدونة بسيطة جدا وبدأت اتبع المدونات الاخرى ولكن مدونة منال وعلاء لفتت نظري جدا انه الى جانب الكم الكبير من التحليلات السياسية للموقف المعارض من الحكومة والطوارئ وغيرها الا ان هناك سيل عارم من سب الدين والتهكم على الشريعة الاسلامية وعلى المفتى وهو خط واضح جدا في الكثير من هذه المدونات.0
ده طبعا الى جانب كميه فظيعه من الكلمات البذيئة التي تستخدم والتي اخجل من ذكرها او اعادتها0. طب الجماعة البرنسات دول المعارضين الابطال لو لا قدر الله كانو هما اللي ماسكين الليلة في البلد كان ايه اللي حصل!!!!!!!!!!!!!!!!!!!!!!!!!!0
اكيد كانت بقت خرااابه..المهم اللي عايزين نقوله انه فيه فرق كبير بين الحرية والديموقراطية والتعبير عن الرأي وبين سب الدين والاباحة ولا مؤاخذة .0وان كانت الحرية المزعومة اللي بيروجو ليها زى ماهو باين من طريقتهم دي يبقى ربنا الغني عن دي حرية.0
وال على رأي المثل" ما العن من ستي الاسيدي".
I totally agree with you. I, too read Alaa’s latest and was overwehlmed by the amount of foul language there.
Comment by Princess — January 9, 2007 @ 6:24 am
ممكن رابط للتدوينة اللي تهكمت فيها على الدين و رابط للتدوينة اللي تهكمت فيها على المفتي عشان مش فاكرهم؟
مش عارف أنت حاسبني على أي جماعة معارضين، أنا عضو في حركة كفاية اللي مش بتحاول أصلا توصل للحكم، أنا كمان شايف أني لو كان لي أي دور في حكم البلد كانت هتبقى مصيبة بس لأسباب مرتبطة بالكفائة مش بحدود حرية التعبير.
Comment by alaa — January 9, 2007 @ 7:48 am
طيب نقي ام صورة تانية غير دي تعمل عليها اكس
الصورة اللي سموك مشخبط عليها اتعملت في الحملة المطالبه باخراج علاء من الحبس ، يعني سمو جلالتك مع حبس علاء ، مش كده برضه؟
Comment by spring — January 9, 2007 @ 8:55 am
همه ما ضربوش حد على ايدهم عشان ييجي يزورهم في بيتهم الاليكتروني - المدونة بتاعتهم يعني
بعدين موش كل المدونة فيها شتايم وكمان همه بيقدموا خدمات كويسة ف مجال التدوين
مبحبش شتايم علاء لكن لما بمسح الشتايم وافهم الفكرة اللي في النص بلاقيه بيشغل دماغه
Comment by أبو خالد — January 9, 2007 @ 8:56 am
السلام عليكم
لم أدخل المدونات التى تكلمت أخى عنها..ولكنى أستقى من كلماتك فكرة أن بعض المدونين لهم وجهة نظر مشكلتها الأولى النزول إلى درك البذاءة والتطاول على الدين..ولى وجهة نظر خاصة ان تلك المدونات مهما كانت الفائدة المرجوة منها ليست راقية وليست على مستوى الحوار الذى نتمناه للصاحفة أو الغعلام الإلكترونى..وبما تفعله تجعل ضررها اكثر من نفعها..ومسألة أن أحداً لم يضرب أحداً على يده ليدخل مدونة من هذا النوع لا اتفق معها لأن الإنترنت عالم مفتوح ..وقد تفسد بعض الأفكار بعض العقول التى لديها استعداد للسقوط أيضاً قد يؤدى الإعجاب ببعض الأفكار إلى متابعة الأسلوب المتدنى للحوار والنقاش حول المواضيع المطروحة..
فى النهاية هذه مجرد وجهة نظر خاصة جداً لا أوجه فيها النقد لأحد بعينه ولكن لأسلوب او طريقة.
شكراً للجميع
Comment by د/حنان فاروق — February 9, 2007 @ 11:31 pm