مجرد مدونةFebruary 26, 2007 9:44 pm
انا لا ادون من اجل حقوق الانسان
انا كل ما ادخل مكان الاقي واحد حاطط بانر انا ادون من اجل حقوق الانسان
قلت جميل تتبعت البانر وهو عبارة عن حملة لما تدعي انها منظمة "هيومن رايتس ووتش"التي نصبت نفسها للدفاع عن حقوق الانسان المزعومه
ولكن ماهي حقوق الانسان الشذوذ و سب الدين والكفر والزنا و و و
انا قررت ابقى انسان متخلف
مش عايز حقوق انسان
مش عايز شذوذ
مش عايز سب دين
مش عايز كفر
مش عايز عدم تجريم الزنا
انا متخلف انا رجعي انا راديكالي انا انا انا انا
انا لا ادعم حقوق الانسان
انا لا ادعم الشذوذ
انا لا ادعم كريم
انا لا ادعم منال ولا علاء
انا لا ادعم كفاية
و ياريت كلكم تكونوا بنفس شجاعة بطلكم الملحد كريم وتخرجوا ما في بطونكم
عشان الناس تعرفكم ومحدش "يزني باخته زي البرنس مابيقول"0
ارحمونا بقى ولا هي الحرية بتاعتكم دي بالعافيه
ههههههه جامدة والله
Comment by Abd El Rahman — February 27, 2007 @ 3:19 am
كلامك معناه إن لسه في ناس بخير .. ولسه في شباب بخير رافض للمسخرة والانحلال بجد شكرا
Comment by Mohammed — February 27, 2007 @ 8:57 am
الحرية بتاعتنا بالعافية ازاي؟
لما بنطالب بحرية بنطالب بحرية للفرض، يعني لو مثلا قلنا حق الانسان في اختيار ميوله الجنسية فالمقصود هو أن الشخص الراشد اللي يختار أنه يكون مثلي مش مفروض يلاقي نفسه بيحاكم بسبب ده أو ضحية عنف مثلا.
طيب أنا كده فرضت عليك ايه بالعافية؟ هل فرضت عليك أختيار ما؟ أنت رافض المثلية الجنسية و معتبرها حرام أو معتبرها مرض أو قرف أو عيب أو أي حاجة، محدش قالك لازم تكون مثلي، محدش قالك لازم تحب المثلي محدش قالك لازم تعامله باحترام الخ.
أنا هنا استخدمت مثال متطرف، في المعتاد الأمور أبسط من كده كمان، لكن في النهاية محدش بيفرض عليك حاجة.
أنت اللي عايز تفرض، أنت لما بتقول مش عايز شذوذ لا تقصد أنك مش عايز أنت تكون شاذ لأن دي حاجة في ايديك و محدش يملك يفرض عليك فيها أي اختيار، أنت تقصد مش عايز في مجتمعي يكون فيه شواذ (و دي في حد ذاتها لا تتعارض مع حقوق حد، مجرد الرغبة و الدعوة مفيهاش تعدي)، لو ترجمت مش عاوز شذوذ دي لاعتقالات مثلا لكل المثليين يبقى وقتها ده تعدي على حقوق الناس.
نيجي بقى للمنظمة، تعالى نبص على صفحة مصر و نشوف القضايا الموجودة
عبد الكريم، محاكمة الأخوان محاكمة عسكرية، هوايدا طه، تعذيب عماد الكبير، قانون الأحزاب و رفض الأحزاب الجديدة، الانتهاكات في قضية تفجيرات طابا، حبس طلعت السادات بحكم محكمة عسكرية، قانون الصحافة، تعذيب الشرقاوي و العنف ضد المتضامنين مع القضاة، استقلال القضاء، حبس أيمن نور، مذبحة اللاجئين السودانيين، حكم الاعدام على طفل مصري في السعودية، مسرحية الانتخابات الرئاسية في مصر ، الخ
ده مسح سريع لأول صفحتين في أخبارهم عن مصر. مفيش غير حالة عبد الكريم اللي ينطبق فيها وصفك
لو بصيت على الصفحة الرئيسية هتلاقي مواضيع مثل اعدام بدون محاكمة، اختطاف سياسي، استخدام القنابل العنقودية من قبل الجيش الاسرائيلي، أحكام عرفية و قانون طوارئ، تجنيد الأطفال في حروب أهلية، معتقل جوانتانامو، تواطئ حكومات أوروبية مع السي أي ايه فيه اختطاف خصوم سياسيين و ترحيلهم بشكل غير قانوني، اغتيالات سياسية حقوق العمال، تأمين مدنيين
يعني تصوريهم على أنهم فقط بيدافعوا عن من تعتبرهم أنت شواذ و زانيين و كفرة غير صحيح بالمرة، هما فعلا بيدافعوا عن أي حد يقمع بسبب اختياراته الجنسية أو العقائدية لكن ده جزء صغير جدا من دائرة اهتماماتهم و القضايا اللي بيتابعوها.
Comment by Alaa — February 27, 2007 @ 9:16 am
كدا تشخبط على اليفط ال أنا عملتها؟
أخدوا منى 5 دقائق شغل. يا ترى التدوينة دي أخدت منك قد إيه؟
Comment by عمرو غربية — February 27, 2007 @ 1:31 pm
يا عم هوه حد كلمك وانت مالك دى حاجه بارده عايز تعمل نفسك بطل و لن اعيش فى جلباب ابى والحوارات الفاشله خليك يا خويا فى حسنى مبارك حبيبك والداخليه والرجعيه وروح كسر كنايس وحب العرب واتفرج على الاقصى وهو بيتهد وقول انك مش انسان زى ما انت عايز بس انا بقى هنضل بشر
Comment by Anonymous — February 27, 2007 @ 7:49 pm
لا مافيش حرية “بتاعة” اي حد بالعافية
رغم اني شايف انك شايف الصورة سودة
وتري ان الذي يدافع عن حقوق الانسان يدافع عن الزنا والشذوذ والردة
فانا اري ان المسالة ليست هكذا علي الاطلاق
جمعيات حقوق الانسان ليست لها مرجعية دينية
ولذا تطبيقاتها
قد توافق او تخالف من له مرجعية دينية
السؤال الاهم
ماذا تسمح به المرجعية الدينية؟
وما هي اقصي حدودها؟
مسالة عبد الكريم انا ازعم ان المرجعية الدينية تسعه ايضا
لان الكفر حق للانسان مثلما الايمان حق له ايضا
بنص القران
واذا امن الانسان
قلنا له
حقك ان تقول انك مؤمن وتثبت ذلك بكل دليل
وبالقياس
يكون من حق الكافر ان يقول ما يريد ايضا
وتاريخيا كان للملحدين وسط المسلمين مدارس يدعون فيها للالحاد ويجادلون العلماء في مساجدهم ويخرجون سالمين
يدعون الي انكار الاديان
وليس فقط يكفرون “مع نفسهم في البيت” …طبعا ممكن نختلف
بس الاهم هو اني اراك تقول شيئا هاما
حقوق الانسان يبدو انها كوبي وبيست
ماشي كوبي من برة وبيست علينا
جميل
اعترض كما شئت
هذا حقك
الان حاول الخروج من دائرة الرفض
الي دائرة الاداء والعمل
اعمل في الحقوق
واحتك بكل من يقول لي حق مهدر
ستتغير تدريجيا لتكون في منطقة ما بين قبول كل شئ او رفض كل شئ
فقط ابدأ بالعمل في رد الحقوق لمن تظن انهم يستحقون
جزاكم الله خيرا
Comment by ابن عبد العزيز — March 16, 2007 @ 7:26 am
مدونه عظيمه جداااا ابهرني مجهودك و طريقة الكتابه العظيمه واحساسك في الكتابه ادعوك لرؤية موقعي المتواضع الذى لا يرقي لمستوى مدونتك واتشرف بمعرفتك كصديق
www.nourhetler2006.jeeran.com
Comment by نور العظماء — March 29, 2007 @ 11:48 pm
اولا ااحيكم بتحية الاسلام السلام عليكم ورحمة الله وبركاتة لن اقول لكم انى كنت اعرف هذة المدونة مسبقا بل هو الفضول الذى جعلنى ابحث فى المدونات المصرية لارى ماذا يكتب فيها ولاسف اول ما بحثت وقعت فى مدونة او جريدة الله اعلم اسمها الوعى المصرى فهم يسيرون بمبدا السم فى العسل يمكن بيهيءو للناس ان هدفهم الاول هو حقوق الانسان والحرية والكلام اياة المهم بدات ف التصفح نعم تحدثو عن التعذيب فى السجون والشرطة ومن بعدتجد التعليقات والكتابات بالفاظ سيئة تدل على البيئة الى نشا فيها المدون وهى الفاظ وان صح التعبير لا يقولها الا ابناء الشوارع ثم بعد ذلك يتحدثون عن الحرية وحقوق الانسان يدافعون عن عبد الكريم الملحد والى المفروض يتشنق فى ميدان عام وليس فقط يسجن تجدهم يدافعون عنة وكانة مظلوم ومجنى عليى وذلك من باب حرية الانسان بل هى حرب موجة على ديننا العظيم الاسلام باسم حرية الانسان وحقوق الانسان وهى طبعا مبادىء اسيادهم من الغرب والامريكان وهذا الشىء جعلنى اشمئز من هذة المدونة ومن يشابها لانة هل يعقل الدفاع عن ملحد كفر بكل شىءوالى بيتشدقو بحقوق الانسان مش هما نفسهم الى سجنو الكاتب الى تهجم على اليهود واليهودية ولا كل الى يسب الاسلام يبقى فى نظرهم بطل ويحتاج الدفاع عنة وحسبى الله ونعم الوكيل
Comment by مسلمة ولى الفخر — September 11, 2007 @ 7:57 am
اخي الكريم
احسنت فزد
و لا تخش كلامهم
Comment by عمرو سليم — April 4, 2008 @ 9:21 pm